Updates from April, 2011 Toggle Comment Threads | Keyboard Shortcuts

  • Qomsa 7:25 am on April 29, 2011 Permalink | Reply
    Tags: , , , , foa'ad nigem, , , فوااد نجم,   

    ارجعالنا 

    ..سيادة المخلوع…..إرجعلنا
    سيادة المخلوع … ارجعلنا
    …مش انت واحد مننا ؟؟
    و عمرك في يوم ما سرقتن
    …ولا خدت مليم مننا
    ما تيجي طب ترجعلنا
    تقعد بأهلك وسطنا
    أهو مرة تاكل أكلنا
    وتلبس يا خويا من لبسنا
    وتعيش في حارة او في شارع زينا
    قلت ايه ؟؟ يا حارق دمنا
    سيادة المخلوع … ارجعلنا
    وغداك يا سيدي عندي أنا
    رز و بطاطس مسرطنة
    لحمة ؟؟… مفيش من سنة
    فاكهة ؟؟… تعيش انت و أنا
    و الشاي .. بآخر معلقة م السكر اللي كان عندنا
    اشرب و فوق وركز بقه .. علشان نكمل حكينا
    سيادة الرئيس … ارجعلنا
    مش سبت الحكم .. لأجلنا ؟؟ـ
    ما تيجي تسمع حكمنا !!ـ
    أفكرك ؟؟ ولا انت فاكر زينا
    قطار اتحرق من كام سنة
    وغازنا اللي طار من أرضنا … لعدونا
    وعبارة مللي بيغرقوا ..!! غرقت في عرض البحر و راحوا أهلنا … و الجاني فلسع مننا
    ومركبة بأحلى شباب … ييجوا من ايطاليا غرقانين .. والقرش ياكل لحمنا
    والله كانوا زينا
    ويمكن أحسن مننا
    لهم بيوت و ولاد و عيشة و حلم .. زي حلمنا
    اتغربوا و اتبهدلوا .. لما الفساد طال كل حاجة في أرضنا
    واللي ما ماتش .. قاعد في غربته .. والغريب بيذلنا
    اقول كمان ؟؟ ولا كفاية … و اهو انت عارف عننا
    أصبر هتسمع حكمنا
    سيادة الرئيس … ارجعلنا
    ولو انت واحد مننا
    فعلا يهمك أمرنا
    بينا عالنائب العام .. تفتنله على ولاد الحرام … مصوا بلدنا و دمنا
    و افتن دي فتنة مش حرام .. ده حقنا
    دا لو انت واحد مننا
    أصبر هتسمع حكمنا
    سيادة الرئيس … ارجعلنا
    اقعد معانا و زينا
    هعرفك …..ـ
    دي (أم خالد) أمنا
    ودول أهل (سالي) أهلنا
    و(عمر بن بنونة ) إبننا
    فسر و احكي و قللهم .. و قللنا
    واستسمح الروح اللي منورة في الجنة عند ربنا
    هتقول مكنش قصدنا ؟؟ـ
    دول ماتوا غصب عننا ؟؟ـ
    كداب و فاجر .. و اللي يصدقك زيك .. والكدب ريحته منتنة
    تتشل إيد اللي ضرب ،، و اللي أمر ،، و عليكوا لعنة ربنا
    أصبر هتسمع حكما
    أيوه بقول ارجع لنا
    ياللي سرقت حلمنا
    وغربتنا و نهبتنا … و في كل حتة أهنتنا
    إحنا اللي سال دمنا
    في الأربعين و اسكندرية و التحرير يشهدلنا
    آدي القفص … أقف هنا
    والشعب يحكم .. مش أنا
    صدقني … هي بينة
    من فوق سبع سماوات .. قالها ربنا
    العين بالعين والسن بالسن … و هو دا بقه حكمنا … و مفيش غيره عندنا

    Advertisements
     
  • Qomsa 7:48 am on April 28, 2011 Permalink | Reply
    Tags: , , , , ,   

    صندوق الذكريات 

    صندوق الذكريات
    كان عندي صندوقا للذكريات
    كلما فتحته ، وجدت بعض الكلامات
    واحاسيس لم تجف رغم السنيين
    وعتاب وندم علي ايام الطفولة
    الغريب …
    انني لم اكن يوما طفلا
    ففي حيينا الفقير لا يوجد اطفالا
    نظرة في صندوقي
    فلم اجد غير شقاء السنين ام الحنين
    اين الحنين
    في الفقر لا يوجد حنين
    في الفقر لا يوجد وقت لمثل هذه الشعور
    في الفقر لا يوجد خير طواحين العجين
    غير انه لا يوجد عجيبن
    ويبقي الفقر يطحن الفقراء بالفقراء
    وتموت الطفولة يوم الميلاد

    لندن 27/4/2011

     
  • Qomsa 8:50 pm on April 27, 2011 Permalink | Reply
    Tags: , , , , ,   

    ليت الامس لم يزل 

    اقلب بين دفاتري القديمة
    هذه قصيدة وتلك رواية
    لإُناس لم اعد اتعرف عليهم
    كانوا بالامس القريب احبابي
    وكنت عشيقهموا
    لا تنظران إلي بستعلاء
    فبالامس كان القلب مرهفاً
    واليوم…
    ليته ما كان.
    ليته ما كان.

     
  • Qomsa 2:21 am on April 27, 2011 Permalink | Reply  

    Malcolm-x 

    Malcolm X on Aljazeera.net

     
c
Compose new post
j
Next post/Next comment
k
Previous post/Previous comment
r
Reply
e
Edit
o
Show/Hide comments
t
Go to top
l
Go to login
h
Show/Hide help
shift + esc
Cancel
%d bloggers like this: